رد المطرب المصري حسن شاكوش على اتهام طليقته له بخيانتها في نهار رمضان مع ممثلة مشهورة.

وقال حسن شاكوش في فيديو عبر حسابه الخاص بموقع التواصل الاجتماعي فيس بوك: اتعرض عليا أظهر في أكتر من برنامج ولكني رفضت، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة.

وتابع: "أنا اتجوزت 55 يوما فقط، واللي كنت هطلع أقول له وأحكي فيه عن الأزمة طليقها طلع قاله فأنا هطلع أحكي في إيه تاني؟".

وأضاف: "ما بينفعش أتكلم في حاجة تمسني أو تمسها لإني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ".