في حادثة طريفة لا تحدث ابدا بطلها طفل يمني ومواطنين حدثت قبل أيام في احد الأسواق في صنعاء.

وفي التفاصيل الذي اطلع عليها محرر موقع خبابير كما نشرها هشام محمد الحكمي يقول فيها”: في سوق الملح بصنعاء القديمة لقيت طفل صغير لا يتجاوز عمره عشر سنوات في يده كرتون داخله (جز.مه).

وتابع”: قال لي ياعم اشتري مني هؤلاء الجز.مات والله انهن جلد واصلي وانا اشتي ابيعهن ب 1000 ريال بس”.

وقال”: اخذت واحده ولبستها وان هيه عليا تماما.. اعطيته الالف الريال وانا مستغرب كيف يبيعهن بهذا السعر الزهيد.. روحت البيت قلت البسهن طلعين الفردتين يمين”.

وأضاف ” قلت والله ما يضحك عليا طفل.. اليوم الثاني رجعت السوق ولقيته امامي على طول باشرني هو وقالي: جابك الله ياعم انا غلطت واديت لك فردتين يمين هات اسير ابدلهن لك وارجع بسرعه”.

ولفتى اثناء عودته”: الولد بلمح البصر اختفى بين الناس الذي داخل السوق.. انتظرت ساعه ساعتين ثلاث ولا رجع”.

وينهي حديثه”: جلست مقهور وقلت عاد ارجع له بكره من بدري ادوره.. وبالفعل رجعت صباح اليوم التالي وقد به عشرين واحد جالسين في نفس المكان وسألتهم ابسرتوا ولد صغير يبيع جزمات.. رد عليا واحد وقال هيا جي اجلس جنبنا كلنا بندور عليه”.