تحدث  اليوتيوبر حسن الجفري عن موقف موجع ومؤثر حدث له الليلة مع أحد النساء في العاصمة صنعاء

وقال الجفري في منشور عبر حائط صفحته الرسمية بموقع فيسبوك:

يالله موقف الان حصل معي الآن ..!! 
قبل شويه رحت عند صاحبي في حدة واول مره ازوره، هوه مكتبه في شقه في الدور السادس وانا طلعت بالغلط للدور السابع..

وبالصدفه حصلت هذي الحجه وبنتها اللي نايمه جنبها، واستحيت منها قصدي اني وصلت شقتها بالغلط،  وهيه استحت مني قصدها اني صاحب الشقه..

المهم تكلمت معي وهي مستحيه جداً، وبعدا حوار بسيط شرحت لي وضعها اللي يوجع القلب، قالت اتمنى مكان تنام فيه بنتي دافيه ومتعشيه، واقسم بالله بكت بحرقه وماقدرت تكمل الكلام..

مافيش معاها سكن ولا أكل وطلعت تنام الليله في العماره هذي في الطارود جنب ابواب الشقق، العمارة اللي بداية شارع حده قدام سوق حجر تماماً..

ويعلم الله فين باتروح بكره وبعده وبعده وبعده ...

قالت لي ان بنتها الحبوبه اسمها نورا وقلت لها بانزل لش منشور ي اماه وربش كريم، قالت لو تشتي تصور عادني صورني كلهم جهالي

اخذت رقمها عشان لو في حد حاب يسوي خير باعطيه الرقم.