قالت الفنانة المصرية سحر رامي ، أن البعض تداول أنباء بشأن ابتعادها عن الفن؛ بعد ارتدائها الحجاب، وهو أمر عارٍ تماما من الصحة.

وتابعت خلال لقاء لها مع قناة " إم بي سي مصر" أنا طبيعية، عادية يعني، لو في أدوار مش هتناسبني، مش هعملها، بس مش بحط فيها أسباب دينية، أو أخلاقية، وأي حد يعمل أي حاجة، هو حر في اختياره، معنديش حكم على حد، وأنا عمري ما عملت موقف من ده، فطلعوا عليا ليه تحجبت معرفش؟". موضحة أنها لا تفكر في ارتداء الحجاب.

وكشفت تفاصيل وفاة زوجها الفنان الراحل حسين الإمام، قائلة «حسين الإمام مات في حضني، كنا في البيت يوم عيد ميلادي حوالي الساعة 6.30 مساءً، والجو كان حر، هو طلع الحمام وتأخر، فطلعت أشوفه اتأخر ليه، ليكون بيأخذ دش وسابني أنا والضيوف، أو يمكن يكون اتحبس في الحمام لأن عندنا مشكلة في أوكرة الحمام».

وتابعت: «ناديت عليه قالي افتحي لي عشان مش قادر أخد نفسي، وقع عليا على السرير، في لحظة، أنا كنت مش عارفة إيه اللي بيحصل، في خلال 5 دقايق راح أقل من 5 دقايق».

وأضافت: الدكتور قالي جلطة مفاجأة في الشريان التاجي، ومش بتتلحق غير بحقنة الأدرينالين بتتاخد في القلب، وفي خلال 10 دقائق، مكنتش ممكن تتلحق، ولو اتلحقت بتعمل أثار جانبية زي الشلل أو العمى، وإحنا كنا في بيتنا على الطريق الصحراوي".

وأشارت إلى أنه تنبأ بوفاته حيث أخبرها أنه سيتوفى خلال عزومة وسيلقى منيته قبلها".