هاجمت الفنانة شيرين عبدالوهاب، طليقها المطرب حسام حبيب، مشيرة إلى أنه هو من حلق شعرها.

وقالت "شيرين" في مداخلة هاتفية لبرنامج "كلمة أخيرة" على فضائية "أون إي" اتهمني إني تخنت وبقيت شبه أمي وأنه عايز واحدة يتباهي بيها قدام الناس، تبقى حلوة ورفيعة، غير الخناقات اللي كان فيها ضرب وسحل على الأرض وشتيمة عمر ما إنسانة تقبلها على نفسها"، مبينة: "لما اتنيلت أطلقت رجعته وقلت أديله فرصة تاني بشروط إن هيبقى في بيت غير بيتي وإن بناتي مش هيتعرضوا لأي مشاكل نفسية وأن حياتنا تبقى لوحدنا ويرجع يشتغل.

وأشارت، كنت فوق أوي ومازالت وهو كان تحت ومعرفش يطلعلي فوق وحاول ينزلني ودا تحليلي لما حدث بينا"، مضيفة: "أسفة للي عملته في نفسي وبناتي وفي الجمهور وبعتذر لجمهوري اللي كان مطلع على كل حاجة وطالعة بقولهم كلام ملهوش علاقة بالواقع، وطلعت غنيت عشان بناتي ميتعقدوش ولو كنت استخبيت كان بناتي جالهم عقدة مدى الحياه وحسستهم إنه نيولوك.

وأكملت، لما رجعنا لبعض بالشروط اللي متنفذتش رجعت بناتي يشوفوا الخناقات تاني لتدخله في كل شيء وهو كان فاضي تماما وكرهني في بناتي وحاولنا نرجع لبعض مش رجعنا لبعض، وقالوا إن حسام كتف شيرين وحلق لها شعرها، وقلت في مداخلة هاتفية إني لسه بحبه عشان أرحمه من الناس، وهو اللي حلق لي شعري أومال أبويا؟!، هو اللي وصلني لكده. وتابعت، الإنسان اللي يوصلك لكده يبقى هو اللي عمل كده، وكانت فضيحة عامة لأننا كنا في فندق كبير، ووصلني للحالة دي".