أثار والد المطربة المصرية بوسي، جدلًا كبيرًا، مؤخرًا، بعدما اشتكى منها، وقال إنها لا تسأل عنه وترفض أن تساعده ماديًا رغم معاناته من المرض ورمته بالشارع.

وقال إنه يعيش في منزل قديم، منذ 4 سنوات ويخدم نفسه بنفسه، موضحًا أنه يعاني من مشاكل بالتنفس ويقوم بعمل جلسات ويأخذ العديد من الأدوية لكي يستطيع التنفس بشكل طبيعي.

قالت لي اسمع يا محمد يا شعبان انساني

وأضاف والد الفنانة بوسي خلال فيديو مباشر، أن ابنته لا تسأل عنه منذ نحو 5 سنوات حيث قال: “في الأول لما كان أخوها شغال معاها، كانت بتبعت لي فلوس معاه، وبعد كده قطعت خالص وطردت أخوها اللي كان سواق وهو صاحب عيال، وآخر مرة اتصلت عليا وقالت لي اسمع يا محمد يا شعبان، انسى أنه ليك بنت اسمها بوسي، وأنا فعلًا نسيت واتقطع الاتصال بيني وبينها وعملت لي بلوك على رقمي”.

ولادي كلهم قاسيين عليا

وتابع: “موتور غسالتي اتحرق ومش عارف أصلحه، وبغسل لبسي كل شهر على إيدي، وصعبان عليا نفسي أوي علشان ماعملتش حساب اليوم ده، وابني مش بشوفه غير مرة كل شهر، كان بيدفع لي إيجار الشقة ودلوقتي مبقاش يدفع لي، ولادي كلهم قاسيين عليا زي ما أكون ربيت فيهم الحقد، الـ4 بنات ولادي التانيين زيهم زي بوسي، والدنيا كلها عارفة أن اللي اشتغلت بيه في حياتي كلها راح لولادي”.