زعم الفنان المصري رشوان توفيق، أنه رأى الرسول محمد “صلى الله عليه وسلم” مرتين في المنام.

وقال “توفيق”، خلال حواره في برنامج “واحد من الناس” المذاع عبر قناة “الحياة”: “أول مرة رأيت سيدنا رسول الله في شكل عالم أزهري قاعد على كرسي عالي جدا وحواليه رجال الأزهر”.

وأبان: “تاني مرة بقى كانت آية من آيات الله والله على ما أقول شهيد، ليا بنت خالة جبتلها فيزا حج، وسافرت أنا والحاجة الله يرحمها، وإحنا ماشيين في مكة لقينا واحدة تائهة وقاعدة في الأرض هي وواحدة صاحبتها، أخدتهم معايا وبعد ما نزلت شفت الرؤية دي”.

واختتم:”شفت إن الحاجة كده على شمالي، وبنت خالتي واقفة أمامي، وسعودي فخم جدا بيديها فلوس، قولتله أنت مين، مردش، قولتله أنت مين، راح رادد عليّا قالي: أنا صاحب الفضل، قولت الله معقولة، واستيقظت من نومي وأنا بقول في اليقظة ده هو ده هو”.