وثق مقطع فيديو متداول، ردة فعل سيدة مصرية بعد علمها أن زوجها تزوج بأخرى.

وقالت خلال مقطع فيديو: "أنا جوزي اتجوز عليا، واليوم نزلت الشغل وبسقي كل شارع الحجاز قهوة وشاي وحاجات ببلاش، مبسوطة أن ربنا عوضه بواحدة ست كويسه ومحترمة وهو زينة الرجال".

وأضافت: "أنا مش ضد الشرع، سيبيه يتجوز ما يمكن يجيب زوجة تانية تصلح الغلط اللي أنتي عملتيه ويمكن تكوني مقصرة في حاجة مش واخده بالك منها".

وتابعت: "كنت قاعدة متغفلة وعرفت أن جوزي اتجوز عليا ولما عرفت اتبسطت جدًا، وقالي أي المشكلة أما اتجوز عليكي قولتله ربنا يصلح حالك".

وأكملت: "هيبقى عندي ضرة عادي جدًا، أطلق؟ لا طبعًا، هروح القسم وأعمل محضر تبديد عفش ونفقة وقايمة ومؤخر، ومبروك الجوازة".

pic.twitter.com/xbDLSB0Vlz

— علي الحمداوي (@alisaifeldin1) October 2, 2025